شردھا اور پربھاس کی فلم ’ساہو‘ کا ٹیزر جاری
بالی ووڈ اداکارہ شردھا کپور اور پربھاس کی ایکشن سے بھرپور فلم ’ساہو‘ کا پہلا ٹیزر جاری کردیا گیا۔فلم ’باہو بالی‘ سے شہرت پانے والے پربھاس کی پہلی بالی ووڈ فلم ’ساہو‘ کا ٹیزر جاری کردیا گیا جس میں وہ اداکارہ شردھا کپور کے ساتھ ایکشن دکھاتے نظر آئیں گے۔جاری کردہ ٹیزر کی مقبولیت کا اندازہ اس بات سے لگایا جاسکتا ہے کہ محض 2 دن میں یوٹیوب پر اس ٹیزر کو 2 کروڑ 80 لاکھ سے زائد بار دیکھا جا چکا ہے۔

اس ٹیزر میں پربھاس اور شردھا کپور کے ساتھ جیکی شروف، نیل نیتن اور دیگر اداکار بھی اہم کردار ادا کرتے نظر آئیں گے۔ یہ فلم رواں سال 15 اگست کو سنیما گھروں کی زینت بنے گی۔